Lete yarh (tifinar)

Li lete tifinare "yarh" ou yagh ou yaɣ (ⵖ), c' est l' lete ki rprezinte li screpé R dins l' alfabet tifinar.

C' est l' 21inme lete et l' 17inme cossoune dins l' sistinme IRCAM.

Sicrijhaedje e l' AFE : ɣ

Spårdaedje candjî

C' est ene lete foirt corante e-n amazir. On l' trouve metans dins les mots "amazir" (amazirh, amazigh, amaziɣ) et "tifinar" (tifinarh, tifinagh, tifinaɣ).

Prononçaedje candjî

C' est l' minme son ki l' lete arabe غ. C' est on R foirt sicrepé, ene miete come dins l' francès d' Paris.

Ralfabetijhaedje candjî

Li ralfabetijhaedje li pus corant, c' est "gh". Li rujhe, c' est k' il est rcomprins come on "G" dins les lingaedjes uropeyins. Did la des ratournaedjes målureus, come e catalan (amazic).

Po s' houwer do prononçaedje G, on a eployî padecô "rh" e l' arabe pol minme son. C' est çou k' est siervou dins l' tiesse di cist årtike cial. Mins li scrijha "rh" n' a waire yeu d' succès dins l' ralfabetijhaedje di l' arabe.

Les cabiles et les linwincieus d' l' amazir li riscrijhèt "ɣ" ou "γ" (tamaziγt, tamaziɣt)

Dins l' ralfabetijhaedje di sacwants mots amazirs dins l' Wikipedia walon, on a wårdé li lete R (amazir, tifinar, veyanmint k' e walon, li lete R pout esse prononceye ene miete sicrepêye (/ʀ/), mins ossu rôlêye (/r/).

Egzimpes di mots candjî

mot "tamaziɣt" avou l' yarh (divant-dierinne lete) sicrît arondi
mot "tifinaɣ" (li ⵖ, c' est l' dierinne lete)

Letes vijhenes candjî

ⵕ (R mitan rôlé)
ⵔ (rôlé R)
ⴳ (son G, mais scrijhaedje flotchrece di mots avou ⵖ a cåze do ralfabetijhaedje "gh")