Li zambra, c' est on tchant espagnol, ki provént des trevéns di l' Andalouzeye arabe, mins k' î åreut stî apoirtêye pa les Bohemyins.[1]

Bertuchi-Mariano-Zambra-gitana.jpg

Dins les belès-letes e walonCandjî

On ndè djåze dins l' roman e walon «L' amour a l' Alambra» da Djôzef Mignolet.

Arivêye sol sinne, al loumire di co cint tchandeles, Zoreyya bodja s' vwele, et come s' ele l' aveut todi fwait, ele si meta a danser l' zambra.
A ! cisse danse la, acorowe do fond des siekes, et compôzêye miete a miete di totes les cisses des payis wice ki les Bohemyins ont tant sofri, rimowe les sonks et l' cour des pus froeds et des pus rashious. Åtoû des femes, mousseyes di rôbes ås volants, mins beles d' ene si vigreuse beaté k' on roveye, a les loukî, les pus firès merveyes di tolminme ké harem, i s' fwait dvins les cours come èn acpagnmint d' castagnete. Adon, les batmints des mwins l' racrexhèt co. L' assimblêye, a les loukî, ni s' pout pus mwaistri. Li five des danseus el wangne. Ele bate des mwins, leye ossu, et s' vôreut ele sayî do danser come zels.[2]

SourdantsCandjî

  1. Dins «L' amour a l' Alambra» (ki s' passe e 14inme sieke), elle est dansêye pa ene trope di Djupsyins, k' on dit vni d' Madride, et k' årént stî les prumîs a-z esse arivés e l' Espagne. Li roman avize awè stî rashiou so des lives istorikes.
  2. p. 57-58 (do papîscrît).