Wikipedia:Dimander èn årtike

BRF (Belgischer Rundfunk)

BRF (e-n-almand Belgischer Rundfunk ; e francès Radiodiffusion belge ; rimètu e walon radiodifûzion beldje), c'est on posse radio et tévé, mètu à Neyåw, pol kiminålté tîxhon-cåzante di Beldjike. Il a stî creyé l' 18 di fevri 1977, al sûte dèl fédéralizåcion qu'aveut d'dja c'mincî el Beldjike èviè 1970, cwand flaminds, francès-cåzants eyet tîxhon-cåzants ont divnu tchake troes difèrinnès kiminåltés.

Istwere

dèdja e 1945, des emissions e-n-almand estint d'fûzéyes dispoy Brussele insi qu'à Lidje e 1961 pa l' RTB (radio-televuzion beldje). Mins avou l' dispårtaedje do sièrvice publik e 1977 etur l' RTBF (Radio-Télévision belge de la Communauté française) eyet l' VRT (Vlaamse Radio en Televisieomroeporganisatie), fiant sûte aus difèrinnès loes su l' fédéralizåcion et l' creyåcion dès kiminåltés d' lingaedje, li BRF a skepi sul minme Bhargav Polara

principe.

sièrvices

au djoû d'audjoûrdu, li BRF a deus posses radio et on posse tévé.

BRF1, c'est l' mwaisse posse di radio. I propose surtout d' l'informåcion sul Beldjike eyet l' daegne insi qu' sacwants emissions sul muzik et l' culture. BRF1 pout esse xhoûté bén sûr e l' kiminålté tîxhon-cåzante mins eto à Lidje eyet Nameur.

BRF2, li deuzinme posse di radio, propose divant tot dèl muzik pol djonnesse, branmint e-n-almand mins nin seûlemint. Nos plans l' xhoûter eto j'qu'à Lidje.

BRF-TV, c'est l' posse di televuzion dèl BRF. Ça djåze et mostere surtout branmint d' l'actouwalité dèl redjon et dèl kimnålté tîxhon-cåzante. Ci posse tévé n' pout esse waîtî qu'e l' kiminålté minme oudobén sul province di Lidje.

Maldoror (fime)

Maldoror (doudobin co è francès L'Affaire Maldoror), c'est on fime mètou el sinne pa Fabrice du Welz è 2024 rimetant à s' môde eyet avou d'ôtes nos ci qu' s'a passé el Beldjike dins lz anêyes 1990 avou l'Afwaire Dutroux.

Fabrice du Welz dit li-minme qu'adon qu' c'esteut 'ne pasqueye qu'i vleut raconter dispû longtimps (si djonnesse a stî aflidjî pa l'Afwaire Dutroux), il a tot ostant balziner dvant d' wazer reyalizer ç' fime. Notamint pace qu'i n' troveut nén l' boune manire di cåzer di ç' sudjet-là avou tot lz egårds qu'i merite. On raconte les-enlevmints des båsheles mins eto l' guere des polices qu'i gna yeû di ç' timps-là et qu'a foirt fwait do toirt à l'inkete.

Ci fime-là a stî prezinté foû d' concours al Mostra d' Venise di 2024.