Walonreye di France
Li Walonreye di France, c' est djeyograficmint, on trô dins l' mape del Walonreye, a Nonne, ki shût Mouze, et ki state a Djivet. C' est l' pårteye bijhrece del Bote di Djivet.
Administrativmint, il est dins l' Dipårtumint des Årdenes.
Disk' å 20inme sieke, tos les djins des viyaedjes et eto des veyes di cisse coine la djåzént walon.
Li Walonreye di France fwait pårteye del Walonreye walon-cåzante, mins nén del Beldjike romane.
Linwince
candjîStudiaedje des pårlers
candjîLes pårlers del Walonreye di France ont stî bén studyîs pa Charles Bruneau. On pout eto rtrover mo des racsegnes linwistikes dins l' motî da A. Vauchelet.
Les nos d' plaeces des 18 viyaedjes walons ont stî studyîs pa Albert Doppagne, dins on papî lomé «Enquête dialectale sur la toponymie des villages wallons de France».
Vicansté
candjîAsteure, gn a ene radio coinrece k' evoye a pårti d' Arniye, et ki passe ene emission e walon. C' est Radio-Fungis.
Li rvuwe "Ardenne wallonne", edjîstrêye a Djivet, eplaide des bokets e walon dins cåzu tos ses limeros.
Li mayeur di Fromlene sohaita l' boune anêye a ses djins e walon dins on ptit foyou cominå di 2000 a 2003.
Sicrijheus e walon
candjîIstwere
candjîDivant 1679, li Bote di Djivet fijheut pårteye del conteye di Nameur. El Moyinådje, li Conte di Nameur aveut l' håteu dissu tote l' aiwe di Mouze dispoy "li tchinne di Rvin djusk' a Andene".
Elle a stî hapêye ås Bas Payis espagnols pås Francès tins des gueres France-Espagne do 17inme sieke, et dnêye oficirmint al Påye di Nîmegue (1679).
Viyaedjes del Walonreye di France
candjî- Aubrives
- Arniye (pont ALW) (Harnie)
- Charnois
- Djivet (Givet)
- Fepén (Fépin)
- Foisches
- Fromlene (Fromelennes)
- Fumwè (Fumay)
- Han-so-Mouze (Han-sur-Meuse)
- Haybes
- Idje (Hierges)
- Landritchamp (Landrichamps)
- Montniye-so-Mouze (Montigny-sur-Meuse)
- Rancene (Rancennes)
- Rivin
- Tchô (Chooz) (pont ALW)
- Vireu-Molén (Vireux-Molhain)
- Vireu-Walran (Vireux-Wallerand)