Li voyaedje di Tchôfontinne (operå)

Li voyaedje di Tchôfontinne (dins l' mwaisse sicrijhaedje "Voëgge di Chôfontaine, opera burless es treuz act, mettou ès musik par M. Hamal", dins l' replaidaedje da F. Bailleux, "Li voyège di Chaudfontaine, e sistinme Feller Li voyèdje di Tchôfontinne (u: Tchôfontin.ne)"), c' est èn operå, li prumî do teyåte lidjwès, sicrît pa de Cartier, de Harlez, Vivario et Fabry. I fourit djouwé divant les djins pol prumî côp li 25 di djanvî 1757.

Lete di priyaedje di l' SLLW po ene djournêye di studiaedjes sol pîce e 2007

C' est l' voyaedje d' ene trope di Lidjwès ki vont prinde les aiwes a Tchôfontinne.

Les ki boerlèt pus foirt k' els ôtes : deus botchresses et ene martchande di herins Mareye Bada, Tonton, ene des botcherresses, saye di racoler Golzå, on coporå ki pete li francès.

dessén da J. Helbig dins l' edicion da Bailleux (1854), ki mostere Tonton avou Golzå, emoennés pa Cupidon.

Les rireyes vinèt do crou cåzaedje des femes ki s' kiboutèt e prumî ake.

Nos avans cial des cmeres pé k' des viperes.

Li muzike da de Hamal est ene miete londjinne ezès deus prumîs akes, trop a môde d' årgudinne. E troejhinme ake, on sint on zuvion d' candjmint avou on xhufla ki rapinse l' opera bufla di Nape.

Djiråd, passeu d' aiwe, c' est on tuzeu, on filozofe.

A costé des cåzaedjes on trouve les prumîs scrijhaedjes a môde romantike

L' aiwe ki tome al valêye d' ene vene

Et ki rôle evoye tot huzant.

Les persounaedjes

• Tonton et Adîle : manguinresses.
• Mareye Bada : haredjresse.
• M. Golzå (Golzau) : lidjwès francijhî.
• Mwaisse Djiråd (Girâ) : naivieu.
• Keur.