Urban Trad
Urban Trad, c' est on groupe di muzike folk bedje.
Ci groupe a rprezinté li Beldjike a l' Eurovision e 2003 avou li tchanson Sanomi, tchantêye e-n on imådjinaire lingaedje. Il a wangnî l' deujhinme plaece.
E may 2000, Yves Barbieux rashonle ene vintinne d' årtisses folk bedjes avou l' albom « one-o-four » (Orion, Luc Pilartz, Perry Rose, Tom Theuns, Didier Laloy…). Adonpwis, li groupe a fwait on deujhinme albom Kerua (et on single Sanomi), vindous e Beldjike et d' ôtes payis, et a fwait bråmint di concerts. Leu muzike esteut foirt celtike å kiminçmint, mins asteure, c' est pus eclectike. Et infén, il ont fwait on troejhinme albom, Elem, e setimbe 2004 (avou les cwate elemints simbolijhîs, et ossu pol prumî côp des tchansons e vraiys lingaedjes (francès, neyerlandès, espagnol et suwedwès). Li 24 avri 2006, il ont fwait on novea single, Diama Dén, avou N'Faly Kouyaté då groupe Afro Celt Sound System.
Mimbes
candjî- Cédric Waterschoot : basse
- Dirk Naessens : violon
- Michel Morvan : batreye
- Philip Masure : guitare
- Soetkin Collier : tchant
- Sophie Cavez : acoirdeyon diyatonike
- Véronica Codesal : tchant
- Yves Barbieux : flûtes a betch, tin whistle, low whistle, pupsak & direccion årtistike.