Toussaint Brahy
Toussaint Brahy a skepyî a Lidje li 8 di nôvimbe 1821. Il î mora li 16 di may 1888.
| Skepiaedje | 8 di nôvimbe 1821, Lidje |
|---|---|
| Moirt | 16 di may 1888, Lidje |
| Nåcionålité | Bedje |
| Activités | scrijheu |
C' esteut, aprume, on scrijheus d' tchansons e walon.
Il askepia l' soce «Li cavo lidjwès» li 15 di måss 1872.
Riprins dins l' grosse antolodjeye da Piron.
Ses deus fis Charles Brahy eyet Henri Brahy ont scrît eto des bokets e walon.
Ouve come sicrijheu
candjîIl eplaida, e 1883, dizo l' tite «Œuvres wallonnes», des tchansons, des powinmes et 3 pîces di teyåte :
- A kî l' fåte ? (1 ake).
- Fåte di pårler (1 ake)
- Li bouket (2 akes).
E 1892, après s' moirt, on rashonna co di ses scrijhaedjes dizo l' tite «Œuvres wallonnes» avou co des tchansons, des powinmes et 3 pîces di teyåte d' èn ake :
- Les deus mononkes
- Li fiesse do grand-pere
- Li manaedje Cocrêmont
Mins l' ouve k' el va leyî cnoxhe co lontins après s' moirt, c' est l' tchanson «Les tch'vaus d'bwès da Beaufis», k' a stî co stî rprinjhe dins les anêyes 1990 so ene cassete CRIWE des rlomêyès tchansons lidjwesses.
Hårdêyes difoutrinnes
candjî
Li Wiccionaire si rsieve di sacwantès fråzes da Toussaint Brahy po-z enimådjî des mots k' i gn a.
