Tirehaline (raece di berbis)

Li raece di berbis Tirehaline (do techelheyt ⵜⵉⵕⵃⵃⴰⵍⵉⵏ ^{aschoûtez lu} udonbén ^{aschoûtez lu}, berbis voyaedjeuses), c' est ene raece di berbis d' montinne do Mîtrin Grand Atlasse (Marok).

C' est ene berbis ki pout shuve les tropeas d' gades, pår dins l' voyaedjåjhe såjhonrece.

Statut et vicansté

Elle est bén ricnoxhowe come raece a pårt pa les bierdjîs, mins n' a nén co stî oficirmint tipêye. N' a nole soce d' acleveu, nerén.

Adon, gn a bråmint des croejhmints, inte di zels avou les raeces blanke Sirwa et noere Sirwa (po les bierdjîs ki voyaedjnut viè l' Mont Sarlo) et Timahedite. Çou ki pôreut fé disparexhe cisse raece la, veyanmint ki les acleveus ricwerèt des pus pezants bedots.

Des ôtes k' i gn a, metous foirt lon erî des viyaedjes, ni rnovlèt nén l' sonk do tropea (i wårdèt l' bassî dins les bedots d' l' anêye), avou l' risse di fé tourner li peuplåcion a rén.

• 
  blanke tiesse (pôreut vni d' on croejhmint avou l' blanke Sirwa)
• 
  Bassî croejhî Timahdite
• 
  croejheye al noere tiesse

Piceures del raece

C' est ene pitite berbis (55 a 60 cm å gaerot) avou ene longue fene doûce claire linne.

Ele peze åtoû d' 35 kilos.

Elle a ene brune fene tiesse, avou on topet ki rvént sol tchifrin. Ci-ci est bén droet pacô avou ene blanke binde å mitan.

Ele ni bedlèt k' èn agnea.

• 
  blanke linne sol hatrea
• 
  waidiant