Tchermila (corant d' môde å Marok)

Li corant "Tchermila" (do no del såce do minme no), c' est ene môde ki s' a spårdou emey li djonnesse do Marok diviè l' anêye 2014.

Discrijhaedje

Les djonnes di ç' mouvmint la avént des hourieusès cwefeures, et s' moussî avou des tchirès basketes et des mousmints al dierinne môde. Ca c' esteut sovint des djonneas et djonnetes di familes k' avént bén l' moyén.

Li mouvmint a stî cnoxhou a pårti des fotos postêyes so les rantoeles di soçnaedje.

So sacwants d' ces fotos la, li djonnea si mostere avou des grands couteas d' botchî, et minme des spêyes fabrikêyes å marixhå. Çou ki dna l' sogne ås djins.

C' est ç' pont la k' els a fwait vey evi des djins do Ministere di l' Interieur marokin, ki saya di controler l' mouvmint a pårti do moes d' avri 2014.

Esplikêye sociolodjike

Les djonnes des ritchès familes, sovint avou l' pa ki n' est måy dins s' manaedje, ni s' sintèt nén acontés dins l' societé. Les rantoeles di soçnaedje sont ene åjheye usteye por zels si mete e valeur.

Les sociolodjisses dijhnut k' i fåreut toplin des ocupaedjes couturels et sportifs po ces djonneas la, por zels poleur basti leu djinnisté d' ene ahåyante manire.