Tcherete di grand botike
Ene tcherete di grand botike (on dit eto on cadi), c' est on tchårea d' fier, avou cwate rowes et ene båre moennrece.
Les deus rowes di dvant polèt bratchî. Mins gn a eto des cognes di tcheretes avou troes rowes; c' est l' cene di drî ki pout tourner.
On l' apice a l' intrêye d' on grand botike, mins eto dins les ipermartchîs et les superetes. Sovint, i fåt stitchî ene pîce (di 20 francs bedjes, dinltins, d' èn uro, asteure) dins li spågne-måye u craeye disloyrece del tcherete, po k' ele vegne foû del rîlêye.
On s' pormoenne dins l' grand botike, et tcherdjî l' tcherete avou ses comissions. Dins toplin des modeles, gn a on ptit xhamea, ki s' pout disclaper do rujhale di drî, po-z î ashir on roufion.
Cwand on-z a tot fwait, on va roister l' tcherete dins s' gåraedje, el ragritchî après les sfwaites, et raveur si pîce.
Alez s' vey e splitchant motî po des linwincieusès racsegnes so les mots "tcherete", "spågne-måye", "craeye" "disloyrece" et xhamea.
