Tchanson d' Sint-Nicolai

Pol discramiaedje des årtikes avou l' mot « Sint-Nicolai », loukîz cial.

Ene tchanson d' Sint-Nicolai, c' est ene tchanson ki les efants tchantèt al fiesse di Sint-Nicolai.

End a sacwants e walon, mins eto e francès, e flamind et neyerlandès et dandjreus e-n almand.

Sacwants tchansons d' Sint-Nicolai e walon

Binamé sint Nicolai

Li mwaisse tecse et l' muzike si trouvnut divins li lire måmdiyinne.

N a troes coplets, ki vocial li prumî:

Binamé sint Nicolai, cwand vos rvénroz del France,

Ni rovyîz nén d' m' apoirter des soukes et des amandes

Ene bele pope di Paris

Avou des beas abits

A la façon de BArbari, mon ami

c' est dimegne e-n ût

Li mwaisse tecse et l' muzike si trouvnut divins li lire måmdiyinne.

Vocial li prumî coplet :

C' est dimegne e-n ût

Li Sint-Nicolai

I vs apoitrè ene flûte,

Et on trawé xhuflet

Ene pope di cénk cintimes

Po fé danser Fifine

Danse et danse et danse, Fifine,

Danse Fifine

vos, grand sint Nicolai

Elle a stî ratournêye e walon d' ene rilomêye tchanson e francès.

N a sacwants cognes. Vo ndè cial ene :

Vos, grand sint Nicolai, patron d' tos les scolîs

Apoirtez mus des djaeyes divins mi ptit panî

dji srè todi vayant,

On binamé efant;

Dji srè todi al boune

Po-z awè des boubounes

Vinoz, vinoz, sint Nicolai

Vinoz, vinoz, sint Nicolai, tralala.

Ôtès modêyes :

vinoz sint Nicolai

Si trouve divins l' tchanson "Margaye divins les nûlêyes" da Djhan-Pire Vervî,ki tote li tchanson est so l' Aberteke (ciddé).

Vinoz sint Nicolai

Nos apoirter des naizreyes

Vos trouvroz nos solés

Å pî del tchiminêye

I n' årè sol tåve on hena po vos poennes

Des raecenes ki vos dinroz a vost ågne (2 côps)

n aveut-st on côp troes ptits efants

Loukîz a : n aveut-st on côp troes ptits efants (tchanson d' Sint-Nicolai)

Tchanson e francès

C' est l' tchanson li pus cnoxhowe des francès-cåzants d' Beldjike.

Vola des paroles classikes, ene miete diferinnes des cenes ki tournèt so les fis å djoû d' ouy :

Ô grand saint Nicolas, patron des écoliers

Apportez-moi des prunes, des noix dans mes souliers

Je serai toujours sage comme un ptit mouton

Je dirai mes prières pour avoir des bonbons.

Venez, venez,sint Nicolas

Venez, venez,sint Nicolas,tralala

Ôtès modêyes : end a sacwants vaici

Tchanson e flamind

Vo-z è cial ene :

Sinterklaas, kapoentje

Gooi wat in me schoentje

Gooi wat in me laarsje

Dank U, sinterklaasje.