Tchårlî Djambe-di-bwès
Tchårlî Djambe-di-bwès (F. Charlier dit La jambe de bois), k' on n' a måy sepou s' vraiy no, ci fourit l' ero populaire walon del revolucion di 1830.
Il acpagnta Tchåle Rodjî et les ôte revinteus lidjwès a Brussele avou s' canon do tins da Napoleyon.
Tchårlî Djambe-di-bwès s' aveut batou a Waterlô avou l' Impreur et z-î piede ene djambe.
Il a cwité Lidje li 4 di setimbe avou les ôtes volontaires tot djhant, å raconter des djins :
- Dj' elzî mosterrè, mi, ås Olandès, ki mes bolets sont pus deurs ki leus froumadjes.
Il avnît a Brussele li 7 di setimbe.
Li 24 di setimbe, il esteut åtoû do Park a caloner les Olandès.
Après l' revintreye, i rala a Lidje, et fourit rovyî påzès gros ki hapît les belès plaeces. Nén ddja ene pinsion d' ancyin combatant !
Si veye a stî studieye, pol waire k' on sait sor lu, pa René Henoumont.
Li pantalon trawé et Tchårlî
candjîLi tchanson "Li pantalon trawé" shonne aveur sitî scrîte po conter li spoûle da Tchårlî.
Alére
candjîRené Henoumont, Charlier dit "La jambe-de-bois ", Paul Legrain, Brussele, 1983.