Olivier Roynet

Olivier Roynet^[1] k' a todi siné ses tecses do no d' pene Livier d' Finfe^[2] (rifondåve Livî d' Finfe.^[3]), dandjreus si lomaedje ordinaire foû d' Finfe, c' esteut on scrijheu e walon ki dmoréve don a Finfe.

L' ome divreut awè vnou å monde al difén do 19inme sieke (dins les anêyes 1880^[4]), et s' vikéve-t i co e 1960 (i dveut awè dins les septantes bén sounés u les ûtantes).^[5]

Di s' mestî, il esteut shabotî.

Ouve e walon

Il a stî eplaidî aprume dins Shijhes et paskeyes (anêyes 1950). Pu ses scrijhaedjes ont stî rashonnés dins les Cayés walons e-n on tripe limero (2-3-4, fevrî-måss-avri) e 1968.

Il î raconte les sovnances di s' djonne tins, k' ont sovint ene poirtêye eciclopedike, come:

ses sovnances del guere di 14 (p. 70)
l' ovraedje di shabotî
des corwaitaedjes sol nateure, metans so les royteas (p. 46)

Avou ça k' i gn a toplin des nos d' plaece d' après Houyet, et des viyaedjes do cotoû, di Malåtchî a L' Vå-Sinte-Ane.

Sourdants et pî-notes

↑ Nos dné dins les Cayés walons 3/2016, ki rprind onk des tecses do scrijheu.
↑ (C.W.) 2-3-4/1968 p. 17.
↑ Riwalnijhaedje del cawete -ier (Livier) a cawete -î.
↑ Il a dedja ovré do shabotî po s' mononke a Houyet di 1897 a 1900 (C.W. come voci ådzeu p. 67.
↑ foto datêye, C.W. come voci ådzeu p. 60.

[1] Nos dné dins les Cayés walons 3/2016, ki rprind onk des tecses do scrijheu.

[2] (C.W.) 2-3-4/1968 p. 17.

[3] Riwalnijhaedje del cawete -ier (Livier) a cawete -î.

[4] Il a dedja ovré do shabotî po s' mononke a Houyet di 1897 a 1900 (C.W. come voci ådzeu p. 67.

[5] to datêye, C.W. come voci ådzeu p. 60.

[1]

[2]

[3]

[4]

[5]