Solea

Li solea u el solo u li slo, c' est ene sitoele del Voye Sint-Djåke come ene ôte.

Lever d' solo e dezert

Essegne do solo

Si essegne, c' est «».

Dins l' biyolodjeye sol Daegne

Po les vicantès sacwès del Tere, c' est leu loumire ki lût tote djoû. Et lzès restchåfer.

C' est pal loumire do solea ki les vetès plantes fabricnut leu-z amagnî, et poleur crexhe.

Dins les rlidjons et les creyances

Nén merveye ki l' solea åye divnou on diè po sacwants civilizåcions. Come li diè Ra e l' Viye Edjipe. Il est adon sovint opôzé al Bele.

Solea et mzuraedje del djournêye

Li djoû d' 24 eures est pårti e deus sorlon ki l' solea lût ou nén.

Li djoû å solea atake a solea levant et s' difene a slo djus.

Solea et costés del Daegne

Li levaedje et coûtchaedje do solea dinèt les cwate costés del Daegne :

• Levant: la k' i s' leve.
• Nonne: la k' il est å pus hôt.
• Coûtchant: la k' i s' coûtche.
• Bijhe: la k' i n' va måy.

Dins les belès-letes e walon

On cåze sovint do solea, metans dins des tites di lives:

• Å solea des leus (Willy Bal, 1947)
• Disk' å solea (Jean Guillaume, 1947)
• D' ombe et d' solea" (Danielle Trempont, 1994)
• On djoû nûlêye, on djoû solea (Lucien Somme, 2001)
• L' anêye des cwate soleas (Lucien Somme, 2007)

Eto dins l' tite di tchansons:

• Set solos po Rathmès

Hårdêye difoûtrinne

• Fåve do Congo sol solea et l'lune (rascodowe pa Gaston Lucy) (so l' Aberteke)