So nosse voye (tchanson)

So nosse voye, c' est l' redjårbaedje e walon d' ene tchanson de Black M., riprinjhe eto pa les Kids United.

Cåzaedje e walon

So nosse voye

I

So nosse voye, taiss

Gn a yeu do mouvmint, saiss

Ds aviretes et des paskeyes

Ça, c’ est nosse veye!

So nosse voye, taiss

Gn a yeu des eguegnes, saiss

Po divni berdouxhî

Ça, c’ est nosse viye! (2 côps les 8 vers)

Resploe

So nosse voye (4 côps)

II

So nosse voye, gn a yeu des moumints d’ dotance

Dji n’ saveu nén wice aler; dj’ a dit: m’ fåt del tchance.

So nosse voye, nos dvéns tot atchter al croye

Dji n' avéns nén 'ne crombe mastoke,

Sins nos djins, dj' esténs a stok.

(cåzé)

Mi, so m' voye, dj' a yeu des monceas d' arokes

Come di djusse, dji m' a sovint sterbutchî

Saiss bén, colåd, cwand t' es dins les trefonds

Gn a waire di djins ki t' lodjront dins leu sålon.

Ti n' pous conter ki so t' pa et t' mame

Paski tes près-soçons evont onk après l’ ôte

C’ est po ça k’ pa des côps, dji m’ baxhe al tere

Paski l’ Bon Diu est grand, et k’ ti tot seu, ti creves.

Ritchantaedje do prumî coplet et do resploe.

III.

So nosse voye

On a yeu des laids cwårts d’ eure

K’ on nd a yeu pezant sol heure

Mins dji so come edoirmou

Sol tchimin,

Dj’ a croejhlé des viyès djins

Ki m’ cåzént do leddimwin

Et k’ li veye aléve si rade.

(cåzé)

Ni m’ djåze pus djamåy del miråcoleye,

Paski dji tel di, èm cour est bén trop flåwe.

Dji so come on leu fén pierdou dins les tchamps;

Tos mes cis di m’ meute on stî yeus des tchesseus.

Dji clô mes ouys; dji rxhoube mes låmes;

Dji n’ vou pus sawè pocwè k’ i m’ asprovèt;

S’ gn a pus rén a schaper, dji sai bén k’ dj’ a co åk

Et m’ voye est co mierlongue, nén l’ tins di m’ rischaper.

å resploe, et co rtchanter ttafwait èn ôte côp.

Tchantaedje del tchanson

Li tchanson a stî aprinjhe pa les efants del cénkinme anêye del sicole libe di Sint-Houbert e moes d' måss 2019. Pu, avou l' aidance da Fabian Beghin (muzicyin) et Floraline Meunier (damjhele di scole).

Li pordjet aveut stî ritnou dins les ocupaedjes coinreces subzidyîs pal Fiesse ås lingaedjes walons. Si nd aveut on sepou fé on clipe videyo ki fourit prezinté å strimaedje do live «Moudes a rvinde» da Lucyin Mahin å Bork li 15 di måss 2019. Pu ç' côp la, å mwaisse raploû a Lidje li 18 di måss.

Les djins ont tchaké a rlaye dins leus mwins, et pår evoyî des messaedjes telefonike ås binamés ovreus.

Hårdêye difoûtrinne

Videyo di l' aprestaedje del tchanson