Linne
Li linne, c' est les pwels des berbis, k' on tond on côp l' an.
Produjhaedje di fi d' linne candjî
Li linne brouxhire est lavêye, pu plouzêye.
Adonpwis, on l' feye avou ene kinoye, ou on molén a filer (cariot, tcheriot) ou des machines esprès po fé do fi d' linne.
Li fi d' linne si vind å pus sovint a lonxhea (exhea) ou a plote.
Les fis d' linne sont texhîs (tricotés) po fé des mousmints.
Istwere di l' industreye del linne el Hôte Årdene et l' Efel candjî
Moumints florixhants candjî
Des veyes come Vervî ou Mondjoye estént rlomêyes po l' indistreye del linne, pask' il avént del peure aiwe ki vneut del Fagne.
Discrexhaedje divins les payis catolikes candjî
L’ istwere del linne, a on moumint dné, va aveur a vey avou les margayes rilidjeuses. Å 17inme sieke, les texheus protestants ont stî tchessîs evoye d' Åxhe. Mins divins ces djins la, n aveut des foirt sincieus k’ avént diswalpé ene tecnike, et c’ est vraiymint zels ki ont diswalpé l’ industreye del linne. Po fé des belès sitofes. Et avént, po fini, des télmint belès sitofes di totes les coleurs k’ esportént disk’ a Sint-Petersbork el Rûsseye.
Fén del grande rilomêye del linne candjî
Cwand li Revolucion francesse les tropes di Napoleyon ont vnou pavola, li martchî almand et rûsse estît finis. Après côp, li payis d' Åxhe a stî prûssyin, et après : ç’ a stî l’ martchî francès k’ esteut fini.
Et : co ôte tchoi : les Inglès avént diswalpé des metodes tchimikes ki permetént, avou nimpôte kéne aiwe d’ obtini les minmes rizultats.[1]
