Tcherwaedje : Diferince etur modêyes

Les pus simpes des tcherwaedjes s' ont fwait avou des [[eraire]]s di bwès, pu d' fier. I faleut bén tni l' pougnêye del cawe po fé del bele tcherowe. Cwand l' schî schipéve foû, on fjheut on [[Motî:Wikt:rnåd|rnåd]]. S' i gn aveut bråmint di rnåd dins on tcherwé, les djins riyént do tcherweu.

Après ont vnou li simpe tcherowes, ou simpe brabant. Li diferince avou l' eraire, c' est l' [[Motî:Wikt:rîsse|rîsse]] ki rtoûne li tere d' on costé, dabôrd k' avou l' eraire, ene ritoume des deus costés. Mins avou l' tcherowe, i faleut ataker å mitan u azès deus costés do boket, çou ki fwait k' on-z aveut ene [[Motî:Wikt:schavroûle|schavroûle]] di tchaeke costé ey èn [[Motî:Wikt:adosmint|adosmint]] å mitan. L' anêye d' après, on-z [[Motî:Wikt:aroyî|aroyive]] contråve po rlivler l' terén.