Sordjoû : Diferince etur modêyes

''Li mot sordjoû a eto [[Motî:sordjoû|des ôtès sinses]].''

== Condicions des sordjoûs ==

Come li mwaisse-sudjet aparexhe come ene ombrire, les detays èn sont nén veyåves, eyet li contrasse inte çou k' est loumé et çou k' est e spexheur est pus grand, çou ki mete en avant les fômes eyet les cotoûs.

Sovint, c' est l' solo (copurade cwand i s' leve ou s' coûtchî) k' est l' sourdant del loumire; mins ça pout esse eto ene foite lampe pa drî l' mwaisse-sudjet, po les fotos e studio, u minme ene loumire d' airaedje, cwand l' aparey si trove dins ene coine wice k' i fwait pus spès.

== Sôres di fotos e sordjoû ==

=== Sordjoûs rcwerous et sordjoûs haeyis ===

A cåze del loumance do sourdant d' loumire, i fåt pa côps djouwer avou l' [[Motî:båcnire|båcnire]] di l' aparey po bén fé les fotos:

* Si on vout prinde li sudjet comifåt. Adon, i fåt drovi pus foirt li [[Motî:båkete|trô del båkete]] di l' aparey. L' erî-fond serè foirt clair.

* Si on vout prinde li sudjet come ene ombrire, dins ene bele loumire d' erî-fond, adon, i fåt rserer l' diyafrague.

=== Sacwantès fotos ki n' vont bén k' e sordjoû ===

* Sibarantès fotos d' djins (on n' vout nén k' on voeye leu vizaedje; leu-z ombion doet esse ewaerant).

* Åbes, montinnes, evnd, k' ont des clapantès cognes.

== Tecnike do prindaedje des sordjoûs ==