Lucien Léonard : Diferince etur modêyes

'''Lucien Léonard''' (pacô rwalonijhî e '''Lucyin Linåd''') a skepyî e 1909 et mori e 1989. Il esteut d' [[Annvoye]]. C' esteut aprume on rcwereu sol walon, ey on bouteu pol walon. Onk des prumîs a tofer sayî do mostrer l' [[Motî:adire|adire]] inte li walon eyet l' francès å livea del croejhete. Et-z eplaidî, po ça, "Ene saye di croejhete di nosse patwès" (1972). Come mwaisse eplaideu des [[Cayés Walons]], i n' rixhinéve nén po les scrijheus epronter des beas mots å lidjwès, s' i manként e namurwès, metans [[Motî:croejhete|croejhete]], [[Motî:diloujhe|diloujhe]]. I djåze mo voltî walon e sôcieté, et scrire a ses soçons e walon.

Si mwaisse-ouve, c' est, sins manke, li [[motî pa idêye da Lucyin Linåd|''Lexique namurois'']] (1969), on gros spès motî adjinçné idêye pa idêye. Il aveut rascodou li pris do govienmint ''haut la main''. Mins, divant l' [[SLLW]] l' eplaidî, i lyi a falou rbouter dso cénk ans å lon, avou l' coplaedje [[Jean Guillaume|l' pere Guillaume]].

 

== L' ouve da Lucyin Linåd, et si rmanance ==

* [[rifondaedje do walon|Rifondeu]] sins l' saveur, il erîla les scrijhas des longs O dins l' Namurwès: a pårti d' lu, li '''[[betchfessî å|å]]''' serè tofer sicrît ''au'', Tant k' å '''[[betchfessî ô|ô]], i serè scrît '''ô''', et pus ''au'' (on trô, nén on ''trau'').

* Il a ecoraedjî [[Lucyin Somme]] a ses cminçmints (et scrire l' adrovaedje di "Ene veye di djin"). Ci-cial l' a coplé dins l' ramexhnaedje di l' [[antolodjeye Fleurs dialectales|antolodjeye “Fleurs dialectales”]] (1974).

* C' est Lucyin Linåd k' a scolé [[Lucyin Mahin]], tot lyi scrijhant, et l' ricoridjî bén vayanmint et publiyî raddimint ses tecses ezès [[Cayés Walons|Cahiers wallons]], et l' [[Avni do Lussimbork]]. Il a scrît l' adrovaedje do prumî tome di "Ene båke so les bwès d' l' Årdene".