Schandeye (live d' imådjes)

Schandeye (Chandîye), c' est on live d' imådjes avou on gros spès cayé d' esplicaedjes, sicrît pa Joëlle Spierkel ey eplaidî e 2019. Les deus sont metous dins ene ewalpeure e plastike k' on voet houte.

Les desséns et l' epådjnaedje sont da Muguete Donnaiy eyet Ilheim Abdel-jalil.

Tos les bokets do live sont ratournés e francès.

Adjinçmint do live

Il est I s' prezinte come on grand lådje live d’ imådjes, raloyî pa on fi d’ årca caracolrece, po esse eployî a môde do camichibay.

Li tecse est scrît a l’ evier des imådjes, tantea ki l’ lijheu(se) a l’ tecse a l’ adroet d’ ses ouys, tins k’ i mostere les desséns ås rwaitants.

Li spoûle

Come dins les « Grands åbes », Djowele va basti si paskeye so des veyous-evi del societé. Po tni ç’ role la, gn a-t i rén d’ mî k’ des pûs ?

Eyet, – droldimint assez – on s’ va fé do må po ene cope di pious ki vnèt do ponre des lintes ådvins del bounete d’ ene sicolresse lomêye Lilia.

C’ est li cminçmint do bontins. Lilia ni vout nén mete si cwefe po-z aler a scole. Mins, voye non voye, tel metrès, dit-st ele si mame, mwaijhe.

Come il ont bén tchôd, nos formagnants et leus covin, dissu l’ tiesse del maraye, rascovrou do tchôd bounet.

Oyi mins nén pus, cwand nosse ravachole di Lilia abroke e li scole, ele hene si bounete å diåle, dins ene coine del coû d’ recreyåcion.

Va shuve on « monitorigne » del timperateure del bounete, paski, si l’ nitêye si rafroedixh, c’ est l’ moirt waeranteye po nos pûytons.

Hårdêye difoûtrinne

Pådje do live, k' î est aberwetåve