Sapén d' mer

Li sapén d' mer ou sapén des Landes u pin d' mer, c' est on åbe sapinrece des payis del Mîtrinne Mer, mins ki n' vént nén dins so les hôtès montinnes.

dins les Landes (France)

Sincieus no d' l' indje : Pinus pinaster

Discrijhaedje

I fwait 30 metes di hôt, mins i n' crexhe nén todi foirt droet, aprume la k' i gn a bråmint do vint.

Il a des totès grossès carotes, avou des pondantès schayes. Ele si drovèt cwand i fwait bén setch, po leyî toumer les grinnes.

Li pelake est foirt sipesse, fwaite di brunès plakes.

Les picas sont agritchîs deus pa deus so les coxhetes.

• 
  picas
• 
  Schoice
• 
  hårpixhe
• 
  dirî des douglasses
• 
  Pinus pinaster

Uzaedjes

On l' côpe po do bwès di mnujhreye.

On rascod si hårpixhe.

Bråmint eployî pol ribwejhaedje des vudès tienes (après leu dibwejhaedje sins rastrinde) et des waerixheas come dins les Landes, el France.