Roumi

Roumi (di s' vraiy no Jalâl ed-dîn Mouhammad Balkhî, e piersan جلال الدين محمد بلخي) a skepyî li 30 di setimbe 1207 ey a morou li 17 di decimbe 1273.

Roumi

C' esteut on filozofe piersan, di rlidjon muzulmane, on Soufi.

I vikéve a Conya, ene veye k' est asteure el Tourkeye.

C' est l' mî cnoxhou ezès Payis do Coûtchant, ca i préjhive eto l' amour (des cmeres) et l' boevaedje di vén.

Vicåreye

Cwand i rescontra on vî pôve, tchiminåd, lomé Chamse di Tabrîze, si veye di prof di droet candja pår. C' esteut a Konia e 1244. C' est Chamse di Tabrîze ki fourit li mwaisse a tuzer da Roumi.

Cwand Chamse fourit assaziné troes ans pus tård, Roumi va s' abaiti ki l' amour po ene djin et l' amour do Bon Diu, c' est Piron-parey. Ci n' est k' ene seule miersacwè.

Ses idêyes

Il esteut foirt lådje d' idêyes, dijhant ki totes les djins, cwè k' soeye leu rlidjon (et nén seulmint les djwifs et des crustins), sont des moslimîs, ca i rcwerèt li Bon Diu sins l' saveur.

Roumi pratikéve voltî li catournante danse des catournants derwiches. Nén seulmint tins des ashyinnes di schoûtance di muzike, mins eto a tot moumint del djournêye, minme avå les voyes.