Rose-Marie François
sicrijheuse e francès ey e picård ki cnoxhe toplin des lingaedjes
Rose-Marie François a skepyî li 31 d' octôbe 1939. C' est ene sicrijheuse di powezeye, di romans et d' pîces di teyåte e picård.
Ele note l' accint d' après Bådoû (Douvrègn-Bôdoûr).
Ella a rascodou des Pris del Federåcion Walonreye-Brussele e 2007, 2015 eyet 2021.
Elle sicrît eto e francès, et prezinter des monolokes di ses prôpes tecses.
Di s' mestî ele esteut prof di sgondaire et d' univ.
Ele cåze 13 lingaedjes, inte di zels l' almand, li suwedwès, li hongrwès, l' itålyin, l' espagnol, li leton, eyet l' rûsse.
Oûve e picårdCandjî
- Panamusa, ene tchantifåve e picård (live eplaidî a Micromania).
- Sint Nicolas rèyûs´: ratournaedje d' on live d' imådjes fwait so on tecse da Félix Timmermans, edicions Tintenfaß, 2017; ISBN 978-3-94619058-5
- Filipè & Je.han: ene pîce di teyåte ki mete e l' sinne Jean Froissart, on Picård, ki va trover ene royinne inglesse ki provént come lu d' Valinchinne.