Rondeas e walon såmî (arimés)

Rondeas e walon såmî (Rondês è walon sâmî), c' est ene ramexhnêye di 45 rondeas sicrîts pa Joseph Docquier et eplaidîs do Muzêye do Pårlaedje e l' Årdene e 2010.

Coviete do live

Sacwants arimés avént ddja parexhou dins «Singulîs» et so l' Aberteke.

Gn a on motlî des målåjheys mots å coron (p. 58-64), adjinçné rondea pa rondea.

Corwaitaedje di l' ouveModifier

Les tinmes diswalpés sont, come di djusse li nateure (les påcretes), les såjhons (li prétins, nute d' awousse) et l' veye des viyaedjes did dinltins (li posson, les roudions, li djouweu d' årmonica).

Mins eto des sacwès istorikes Bernadette Soubirou (p. 53), et des dominnes waire aduzés pal powezeye (l' atlete, p. 47).

Li walon est foirt ritche, ca li scrijheu a prins plaijhi a-z aler rcweri des vîs mots tipikes.

Onk des rondeasModifier

Deus djonneas ki s' veyént voltî mins k' ont ndalé tchaeke di s' costé...

Lu et leye

Insi por Lu, insi por Leye,
Gn åreut-st avou nou cour a prinde ?
Lu, di s' costé, a viké s' veye
Come il a plou et sins s' disfinde.

Lèye, di s' costé, a fwait parey
Avou paçyince, sins måy si plinde.
Insi por Lu, insi por Leye,
Gn åreut-st avou nou cour a prinde ?

Lu rota s' voye sins s' binamêye
K' èn ôte batea tcherdja po dschinde
Li fleuve del veye ki n' pout ratinde,
Adon k' on cwire si destinêye !

Insi por Lu, insi por Leye,
C' est leus cours ki s' divént comprinde !

Hårdêye difoûtrinneModifier