Rock
Li rock c' est on djinre di muzike k' a skepyî dins les anêyes 1960 et k' est asteure onke des pus djouwé et schouté tot avå.
IstwereCandjî
Li rock a skepyî ås Estats Unis dins les anêyes 1960. I vént d' ôtes djires come li jazz, li blues et li country. Al cminxhe, on l' lomeuve rock n' roll. Dispus si timps là, li rock a bråmint candjî. On end a fwait des noveas dinres et totes sores di muzikes.
DjinresCandjî
Li rockabilly est li rock dal cmince, al mode di Presley et ds ôtes vîyès bindes. Asteure, gn a co sacwantès bindes k' endè font.
Li yéyé est onk des pus vî pus vî djinres. On l' schouteuve bråmint dins les anêyes 60. C' est ci djinre-là k' a avnou è Urope, et k' fé knoxhe li rock ås djins di Waloneye. Mins asteure, li yéyé est veyou come on vî djinres, nén foirt clapant.
Li rock psykedelike nos vént etou des anêyes 1960, mins on endè schoute mwins asteure ki dins l' timps. Ci djinre-là vout fé do rock avou des sons k' on poreuve etinde cwand on sondje ou bén cwand on a prind des drogues. Il esteuve metou avou li manire di viker des baba cool et li flower power.
Li punk a skepyî al cmince des anêyes 1970. Il a stî tuzé disconte les bindes yéyés et, pus lådje, disconte li movemint hippie. Li punk vout purade diner di l' enerdjeye ki des belès muzikes ou des beas arimeas.
Li hard rock a avnou ene miete pus tård. On pout dire ki c' est le fî do punk. Dins li hard rock, li muzike est pus foirte et va pus rade. Ci djinre-là a skepyî dins les anêyes 1970, minme si gn aveuve dedja scwantès tchansons ene miete hard rock al difén des anêyes 1960. /!\ Li "hard rock" est diferin do metal ey do grunge /!\
Li prog (po progressive rock) a skepyî dins les anêyes 1970 etou. Li binde li pus knoxouwe di ci djinre-là, c' est Genesis. On endè fwait co asteure.
E waloneyeCandjî
E Walonreye, gn a sacwantès bindes et des tchanteus ki djouwèt do rock, è walon, è francès ou co èn inglès.
- Compost Binde
- Girls in Hawaii
- Machiavel (Binde do prog Beldje)
- Wiyam Dunker (minme s' i djouwe pus sovint do blues)