Rawijhaedje

Li rawijhaedje (on dit eto : shinmaedje, rishinmaedje), c' est l' afroyaedje, todi dins l' minme sinse, et awiyantmint, d' ene usteye di fier disconte d' ene pire a rawijhî, po k' ele côpe mî.

rawijheu al mwin (Inde)

rawijhaedje d' ene hepe al mieule elecrike

Si l' pire est ronde, et tourner, ele si lome ene mieule.

Davance, les mieules tournént so on aessi, acsionêyes al mwin, pu avou on moteur. Adonpwis, on-z a yeu les mieules electrikes, k' on poite al mwin, et shinmî ene usteye tinowe astok so èn eto.

Rawijhaedje des lames di raezetes

Al fenåjhe, on rawijhive les lames di raezetes so ene mieule Inmri. I faleut tourner li pire di rawijhe al mwin, et c' esteut deur.

Pus tård, on-z a adapté ene rowe di velo ou on volant d' machine a laver el plaece del manike et mete ene corwè sol l' moteur del machine a laver.

On-z a veyou des tournantès tournantès pires ås pedales et des ôtes rawijheuses otomatikes al setche pire, mins l' taeyant n' esteut nén si bon.

Rishinmaedje del få

Loukîz cial

Les rawijheus d' cizete

Li rawijheu d' cizetes (on djheut eto : on rpasseu, on remoleu), c' esteut èn ancyin ptit mestî. L' ome rôléve les viyaedjes et rshinmî les cizetes et les couteas des manaedjes.

• 
  avou l' pire et ene gade pol mieule
• 
  mieule a pedale
• 
  meule montêye so on velo

Li mestî a stî discrît dins des tecses e walon pa :

• Firmin Callaert divins : Avou ene hatche et on bos d' voye (1936)
• Ernest Benoit divins Singulîs (2006)