Raptitixhant no d' djin

On raptitixhant no d' djin (on dit, sincieuzmint, èn ipocoristike), c' est on no d' famile u on ptit no k' est fwait a pårti d' on mwaisse no, avou l' idêye di lomer on ptit efant del djin k' on lome come çoula.

Å cmince, li raptitixhant no esteut purade on såvadje no.

Gn a bråmint des ptits nos walons et des no d' famile del Walonreye ki c' est des ipocotistikes.

Les raptitixahnts nos d' djins sont voltî eployîs po lomer les persounaedjes des bindes d' imådjes (Tintin, Suske en Wiske, Kieke en Flupke).

emantchaedje des rapitixhants nos d' djins e walon

sicawaedje

Les raptitixhants nos d' djins polèt esse fwaits pa scawaedje (tot rsaetchant li cawe (li sillabe å coron) do no.

• Djôzef → Djo; Bea Djôzef → Baidjo (Baidjot); Djhan-Djôzef → Djandjo (Djandjot)
• Mareye-Djôzef → Mardjôzef, Mardjo

sibetchaedje

Mins, co bråmint pus sovint, i s' fômnut pa sbetchaedje (tot rsaetchant li etch (li prumire sillabe) do no.

• Adofe → Dofe
• Albert, Houbert, Robert, Norbert → Bert
• Ameliye → Meliye
• Édwård → Douwård
• Émerance → Mérance
• Émile → Mile; Émiyin → Miyin
• Erness → Nesse
• Djihan-Batisse → Batisse

ridoblaedje do prumî pî

I polnut esse fwaits come on dodobe mot :

• Bert → Bebert
• Nesse → Nenesse
• Mile → Mimile

raptitixhante cawete

Mins li pus corante manire, c' est kécfeye bén les raptitixhantès cawetes

• vî no tîxhon "Bodo" → Bodet, Bodot
• Hans → Hanset
• Môre → Morea
• Pire → Piron, Piret, Pirete
• rosse → Rossea, Rosset
• Wiyåme, Wiyame, Wiyeme → Wiymin, Wiyminea, Wiymet, Wiymot

Coplaedje di deus manires

• Dinixh → Nihoûle
• Lucyin → Cincin
• Mårtin → Tintin (binde d' imådjes); Mårtene → Tetene

dins des ôtes lingaedjes

lingaedjes romans

• francès
  • Renard → Renardot; Gérard → Girardin; Pierre → Pierrot; Jules → Julot; Martin → Martinet
• espagnol
  • Carmen → Carmencita; Juana → Juanita
• portuguès
  • João → Joãozinho Ronaldo → Ronaldinho; Ana = > Aninha.
• itålyin et lingaedjes dilérins d' Itåleye
  • Paolo → Paolino, Paoletto; Paola → Paolina; Paoletta
• sicilyin
  • Santa → Santuzza

lingaedjes tîxhons

• flamind et braibançon
  • sibetchaedje : Jozef → Jef
  • cawete flaminde -eke : Jan → Janneke; Marei → Marieke, Filip → Flupke, Jef → Jefke
  • Suske en Wiske, Kieke en Flupke (bindes d' imådjes)
• neyerlandès
  • Keet → Keetje; Piet → Pietje
• almand
  • Gräta → Grätchen; Peter → Peterchen; Marei → Marlein

lingaedjes semitikes

• arabe marokin :
  • raptitixhaedje divintrin : Xhadija → Xhwidija; Aaycha → Aawicha; Karîm → Kouriyîm u Kerroum; Mhammed → Mhîmmed
  • sibetchaedje des nos avou Aabd- : Aabdelaazîz → Aazîz
• amazir :
  • sicawaedje : Lhosseyn → Lhoss u Lho; Mohammed → Moha u Moh; Aabdelqadr → Aaqqa; Aabdellah → Aallah
  • cawete -ou : Abdekarim, Abelqadr, evnd. → Aabdou; nasser ed-dîn → nasrou; Karîm → Krimou

lingaedjes aziyatikes

• djaponès Kana → Kana-chan; Akihiro → Aki-chan; Setsuko → Settchan; Hiroki-chan → Hii-chan.