Raptitixhant mot

Loukîz a : "Raptitixhante cawete"

On raptitixhant mot u raptitixha, c' est on mot ki mostere ene pus ptite sacwè (ene pus ptite biesse, ene pus ptite djin) ki l' cene mostrêye på mwaisse mot.

Li minme si fwait eto coramint po les nos d' djins et les nos d' plaeces.

E walon, come dins bråmint des lingaedjes, les raptitixhants mots si fwaiynut på djeu des raptitixhantès cawetes.

Egzimpes di raptitixhants mots e walon

Loukîz a : raptitixhante cawete

kimons nos

• hepe => hepiete; feme => femlete
• vere => verkin
• tchén => tchinot
• moulet => moultea

nos d' plaeces

• Élicene => Élicinea

nos d' djins

• Wiyåme => Wiymin
• Dini => Nihoûle

Lingaedjes ki fwaiynut leus raptitixhants mots avou des cawetes

• flamind : cawete -eke
• neyerlandès : cawete -je
• almand : cawete -chen
• espagnol : -ito, -ita

Lingaedjes ki fwaiynut leus raptitixhants mots d' ene ôte manire

Divintrin raptitixhaedje

C' est pa on ristitchaedje divintrin di voyales.

• espagnol : mucho => muchacho (gamén, djambot)
• arabe marokin : mechch (tchet) => mchicha (pitit tchet); nekhala (latons) => nkhikhila (on pô des matons, ene pougnêye di latons)

Scawaedje

On scawe li mot (on lyi rcôpe li coron).

• inglès : foirt corant po les nos d' djin : Bernard => Ben; Albert => Al