Prumî bidon (roman)

Prumî bidon (Preumî bidon), c' est on roman e walon sicrît pa Louis Lecomte ey eplaidî e 1943.

coviete divintrinne et dessén vizon vizu

Po dire li veur, c' est on radaptaedje e walon d' on scrijhaedje e francès da ...

Enimådjî (letrenes et desséns) pa Albert Chavepeyer.

Il a stî saetchî a 217 egzimplaires.

Kitaeyaedje do live

I cmince pa èn adrovaedje e francès da Julien Flament.

Après l' roman lu-minme (p. 15 a 83), vént on ptit motlî (pp 85-92), riprins come limero O96 dins l' djivêye des motîs do walon.

Plaeçaedje dins l' espåce et dins l' tins

Do tins des tcherbonaedjes, dandjreus del djonnesse do scrijheu, dj' ô bén dins l' eter-deus-gueres.

Dins l' Noer Payis.

Corwaitaedje do walon

Foirt bon toirtchaedje del langue, avou toplin des mots tecnikes, mins eto des imådjes, des fråzes sins viebe...

Boket foû do live

Sol coû do limero troes, des vagons, rtapés a noû ratindnut d' esse ermoennés sol djive å transpoirt po rfé l' convoye, di rvén di rva, do rivaedje å limero ût, eyet furler, dins les dischindêyes, leus noveas patins d' frin, des patins d' bos ttossu blancs k' les shabots do Roussea. Li chlin, k' est stindou a môde d' on vier å mitan des rays, va bén seur siervi po saetchî l' cawêye.

A ene dijhinne di metes erî, li ptite locomotive, ki n' schoûte k' on mwaisse, lait ploure des gurzeas d' pacyince.

Des craheas comelés di scrabeyes.

Å pus fwebe des bôstos ^{(a-z aveuri)}, les butwers sont presses a rmuchî dins yeusses-minmes, come des coines di lumçon.