Porea (maladeye)

Pol discramiaedje des årtikes avou l' mot « porea », loukîz cial.

On porea, c' est ene maladeye del pea des djins, mins eto des biesses.

Porea sol pôce

C' est ene sôre di nucrê kel cåze, c' est on virûsse.

Ås djins, les poreas crexhèt purade so les doets et les årteas.

Cåzes

Cisse maladeye est cåzêye pa des virûsses, aprume les porea-virûsses, mins eto pacô des pocvirûsses.

Sôres di poreas ås djins

Porea al plante do pî

• prindåve mol porea ås efants (molluscum contagiosum), purade ås mwins.
• sorlon leu nombe : mierseus poreas ou a poreas a trokes.
• sorlon li plaece k' i vnèt : poreas ås mwins; poreas å plat do pî; poreas ås påpires, poreas sol vedje ou l' nateure.
• sorlon leu cogne : eraeçnés poreas; florixhants poreas

Médiaedje

Les poreas sont des maladeyes sins grand må. Si evont i sovint tot seus. On les médeye tot lzès broûlant a l' azote likide u avou des broûlantès droukes. Gn a eto des rmédes omeyopatikes come li touya.

Poreas ås biesses

Les poreas ås bovrins sont bråmint pus gros.

On trouve des poreas ossu ås tchéns et ås tchvås.

Les damadjes del pea des plokes ås oujheas rishonnèt foirt a des poreas.

• 

  porea a on moulet

• 

  porea a èn åmea sol dizo do babetch

• 

  Deus gros porea a on vea d' cwate moes

• 

  Porea sol vé d' ene djin

• 

  Porea sol pixha d' èn åmea