Li platea d' glaece di Ross (81°30'S 175°00'W) c' est li pus stindou platea d' glaece di l' Antartike (d' ene sitindowe d' on dmey miyon d' kilometes cwårés, eyet a pô près 800 km lådje; dj' ô bén, li grandeu del France). I s' trouve sol Mer di Ross et cåzu en etir å dvins del Dipindince di Ross (boket d' l' Antartike kel Nouve Zelande vôreut k' ça soeye da sinne).

Li platea d' glaece di Ross e 1997

Les plateas d' glaece sont des coûtches di flotante glaece sol mer, ki dmorèt tot l' anêye, eyet raloyeyes al tere; i sont nouris avou del nouve glaece vinant d' glaecîs. Li platea d' glaece di Ross a stî lomé insi d' après l' captinne James Clark Ross kel dischovra li 28 di djanvî 1841. James Ross meta sol mape li front d' glaece viè l' Levant disk' al londjitude di 160°W.

Difoûtrinne hårdêye candjî