Plastinaedje
Li plastinaedje[1], c' est ene tecnike po wårder des coirs di macabés u d' biesse po studyî leu-z antomeye, tot replaeçant les likides des celules pa des plastikes.
Istwere candjî
Li tecnike a stî diswalpêye dispu l' anêye 1977, pu todi amidrêye, bråmint pa Gunther von Haghens, a l' univiersité d' Heidelberg, e l' Almagne.
Elle a stî bruvtêye avou tchaeke di ses amidraedjes, di 1979 a 1982.[2]
Sacwants pîces di muzêye fwaite ont stî mostrêyes so ene espôzucion tournante k' a dmoré a Brussele do 22 d' setimbe 2001 å 24 di fevrî 2002.
-
riwaitants di l'espôzucion a San Diego (2009)
Tecnike candjî
Li coir est waeranti do pourixhmint e l' metant dins do formol.
Adon, les pîces sont discopecêyes po mostrer çou k' on a l' idêye. Les pîces dedja edjalêyes sont soyeyes a trintches di 3,5 cintimetes.
Adon, li pîce est metowe dins on froed bagn d' acetone ki va replaecî l' aiwe des celules; pu dins on tchôd bagn, todi d' acetone, po rsaetchî les cråxhes.
Ci côp la, l' acetone est pompêye (tot fjhant l' vude), et replaeceye pitchote a midjote på plastike.[3]
-
mwin -
cour et peumons -
trintche do doet d' on tchvå -
doet d' on tchvå avou ene fourbeure avanceye
Sourdants candjî
- ↑ noûmot avou l' cawete -aedje atåvlé sol wikipedia walon e 2020, a pårti do mwaisse noûmot almand, pu francès «Plastination» edvinté avou l' tecnike e 1979.
- ↑ Gunther von Haghens, Anatomie et plastination, cataloke di l' espôzucion «Körperwelten» (les mondes do coir), Institut für Plastination, Heidelberg, p. 29.
- ↑ Cataloke di l' espôzucion «Körperwelten» (come cial ådzeu) p. 23.