Hourete des tchamps
(Redjiblé di Pitite houprale)
Li hourete des tchamps u ptite hourete u ptite houprale u pitite souwete, c’ est on ptit oujhea d' nute magneu d' tchå ki voyaedje ossu del djournêye, aprume al vesprêye.
Sincieus no d' l' indje : Athene noctua
Discrijhaedje
candjîSi ploumaedje est clair bron.
Ele n' a pont d' orayes, årvier do ptit tchafô, di minme grandeur.
Si cawe est coûte.
Elle est 22 cintimetes hôte.
Vicaedje
candjîEle s' adjoke voltî so on postea, on toet, èn åbe u on hopea d' pires. La, ele fwait des sierviteures, tot clintchant s' coir padvant leye.
Si tiesse bodje toltins, tot-z awaitant l' cotoû.
-
tiesse waitant padvant -
tiesse waitant sol costé, djusse après
Ele pout «fé l' Sint Spér» (dimorer e l' air e l' minme plaece) a l' anuti, cwand ele vout apicî des insekes.[1]
Spårdaedje
candjîOn l' trouve so ene grande pårteye di l' Urope et l' Azeye, et a Bijhe di l' Afrike.
Sourdant
candjî
- ↑ (fr) Heinzel, Hermann, Fitter, Richard et Parslow, John, The birds of Britain and Europe, with North Africa and the Middle East, William Collins Sons &Co Ltd, 1972, ratourné e francès avou l' tite Oiseaux d'Europe, d'Afrique du Nord et du Moyen-Orient, Delachaux et Niestlé, Neufchâtel, 1972, p. 180.