Påwion

On påwion (eto: ene palivole), c' est èn inseke avou cwatès grandès aiyes, sovint avou des belès coleurs.

påwion ås ourteyes

påwions d' nute måye et frumele

Motlî

Les påwions d' djoû del taeye del palivole ås ourteyes ou del cene å cabus seront lomés påwion u palivole.

Les cis d' nute, purade papiyåd.

Les pus ptits sont lomés, påwionete (papiyete u papiyote).

Sôres di påwions

Les påwions d' djoû ont des blawtantès coleurs. Les påwions d' nute, des grijhès coleurs.

Sacwant sôres rescontrêyes coranmint e l' Walonreye:

• palivole ås cabus (Pieris brassicae)
• palivole ås naveas (Pieris napi)
• palivole ås coloråves (Pieris rapae)
• palivole ås raecenes u palivole ås carotes (Papilio machaon)
• palivole di gregne
• palivole ås ourteyes: deus ki ponèt so l' grande kixhåde
  • rodjåsse palivole ås ourteyes (Aglais urticae)
  • noeråsse palivole ås ourteyes (Vanessa atalanta)
• palivole ås pavés: des cis ki leus desséns d' aiye sont des ptits cwårés: Araschnia levana, Vanessa cardui, Nymphalis polychloros, Aglais io.

Discrijhaedje

Adjinçnaedje d' on påwion

Li tiesse a deus gros ronds ouys et deus antenes. Li boke a ene trompe po sucî l' låme des fleurs.

Li cofe poite les deus pwaires d' aiyes et les shijh pates.

Li vinte est ene miete pus long ki l' tiesse et l' cofe.

• 
  ene påwionete, so s' vinte
• 
  li minme, aiyes riployeyes, so s' dos
• 
  li minme, sol costé
• 
  påwion d' djoû, aiyes å lådje, rashiou
• 
  papiyote di nute, volant après on cwårea

Vicaedje

Li påwion n' vike nén lontins; i va ponre des oûs, ki vont disclôre et dner ene halene. Li halene va crexhe et divni on påpåd-lôlô, ki n' bodje nén. Après on tins, ci-cial si drouve, et l' påwion fwait endè mousse foû.

• 
  grosse halene
• 
  påpåd-lôlô å cmince

Dins les belès letes e walon

Li sot påwion, èn arimé da Joseph Durbuy ritchanté voltî pa Jean Loos. ^{aschoûtez lu}

Sourdants