Joseph Durbuy

Joseph Durby (e walon : Djôzef Derbu), c' est on scrijheu e walon k' a skepyî a Vå-dlé-Borset li 27 d' awousse 1882 et k' a morou a Hu li 6 d' avri 1963.

Joseph Durbuy

portrait da Joseph Durbuy diviè 1948

E 1925, li veye di Hu amonta li pris Joseph Durbuy e si oneur.

Il est rprins dins l' grosse antolodjeye da Piron et dins l' antolodjeye Fleurs diyalectåles. Come di djusse, il esteut eto po-z esse riprins dins l' pordjet (nén adiercî) d' antolodjeye des scrijheus e walon do Payis d' Hu.

I dmora lontins å 104, pavêye di Wareme, a Hu, la k' on-z a pindou ene grande plake, diviè 1995.

Di s' mestî, il esteut martchand d' vatches, mins il aveut fwait ses scoles d' agronome. Il a co fwait toplin des ôtes mestîs.

Ouve e walon

I fourit onk des pus rlomés scrijheus d' pîces di teyåte e walon dins l' eter-deus-gueres. Li prumire, "l' Amerikin", a ddja rexhou e 1905.

Il a scrît des arimés, avou, mins ki n' ont nén parexhou di s' vicant. Et on roman «Li ci k' esteut d' trop» (1950).

C' est lu k' a-st enondé li soce "Li Coirneu" di Hu e 1946.

E 2004, li minme soce "li Coirneu" vuda on live avou ses arimés nén eplaidîs et sacwants bokets d' prôze.

tchanson k' il endè l' cåzaedjisse

Li sot påwion, metou e muzike pa Pierre Vandamme; c' esteut l' tchanson ki Jean Loos aveut ptchî do tchanter å Trocadero d' Lidje.