Noveye-dilé-Bwès (po Noveye-dilé-l'-Bwès; on djheut dinltins Noveye-les-Francs-Omes; on dit cobén, asteure, ene miete po s' fote, Noveye-les-Coxhes; F. Noville-les-Bois, so plaece, asteure, Novîye-les-Bwès), c' est èn ancyin ptit ban del Walonreye, rebané avou Ferneamont.

I gn a des ôtès plaeces ki s' lomèt Noveye.

  • Limeros del posse: 5380 (vî limero 5068).
  • Limero diyalectolodjike: Na 28.
  • Sipotaedje des djins :
    • (po vanter) : les Francs Omes (paski c' esteut ene franke tere dinltins, u come dit ciddé padzo).
    • (rabaxhant) : les Grete-cou (so plaece: Grete-cu).

Po l' etimolodjeye et omonimeye : loukîz e splitchant motî.

Hamteas et nos d' plaecesCandjî

HamteasCandjî

  • Å Cwagnbô (F. Quambeau).
  • Li Sårt d' Avri (so plaece: Saut d' Avré, F. Sart d'Avril)
  • Trô des Sås. (F. Trou des Saules)

Nos d' placesCandjî

  • A vey avou des tchamps, des prés et des sårts:
  • A vey avou des åbes et des bwès :
    • Bwès d' Troncoe (so plaece: Troncwè), k' a dné l' no di "Noveye dilé l' Bwès".
  • A vey avou des dmorances et l' ovraedje des djins.
    • Ås Comognes (so plaece: Comougnes)
    • Dompire (cinse Dompire).
    • Li gros Mayet.
    • Å Magot.
    • Li Molén Chachâle.
    • Al Tour (so plaece: al Toû).
  • A vey avou des aiwes :
    • Al Fåsse Aiwe.
  • A vey avou des monts-et-vås :
    • e Håyneamont (so plaece: è Aynêmont).
    • e Dîmont.
    • A Fernêmont (k' a divnou l' no del rebanêye comene).
  • A vey avou des rotches :
  • Nén clair
    • Bawgnè.
    • A Tiroûle (so plaece: Tiroule).

IstwereCandjî

Al fén do 13inme sieke, les djins d' Noveye, Hambinne et Corti levît ene årmêye et aler schaper l' conte di Nameur, Djihan prumî, k' esteut prijhnî des djindåres do Prince-Eveke di Lidje. Eto, on les loma Francs Omes, et l' conte Djihan lezî dna les Bwès d' Troncoe. Di la, li no do viyaedje : Noveye dilé l' Bwès do Troncoe.

I gn a so les cmons Wikipedia des imådjes ou fitchîs son a vey avou Noveye-dilé-Bwès .