Noir Dessin Production

Noer Dessén (eplaideu)

Neûre macrale, ene binde d' imådje dessinêye pa l' askepieu del societé, Michel Elsdorf

Noir Dessin Production (e walon, pus sovint les «Noer Dessén»), c' est èn eplaideu di lives e walon.

Li societé a stî amontêye pa Michel Elsdorf.

Il edite eto des lives e francès, mins a vey avou l' redjonalisse, et copurade sol Payis d' Lidje.

Ouve pol walon

Michel Elsdorf (a droete) å strimaedje do live «Les grands åbes (live d' imådjes)»

Come lives e walon, il a vudî ene cåkêye di bindes d' imådjes et di lives d' imådjes, todi e walon lidjwès standårdijhî. Onk des scrijheus e walon k' a l' pus eplaidî åzès «Noer Dessén», ci fourit, sins manke, På-Hinri Thomsin.

Il ont eto edité des bindes d' imådjes da François Walthéry.

A costé di s' mestî d' eplaideu, i fwait eto do dispårdeu. Do costé do walon, c' est lu k' a dispårdou li Gaston e walon ey eto onk des Tintin e walon d' Lidje (Les ôrreyes del Castafiore).

I fwaiynut eto des canteas u des mousmints avou des scrijhaedjes e walon. Il avént minme gåyoté èn otobusse di Lidje avou des inscripcions walones. Ey eto des plakes e walon (da Claudine Mahy eyet Didier Boclinville).

• 
• 
• 

Hårdêye difoûtrinne

Leu waibe