Marke di fabrike divnowe on cmon no

Ene måke di fabrike pout divni on cmon no, cwand l' mot va avou ene sacwè d' noû, et k' les djins li djhèt sins pinser k' c' est ene måke di fabrike, et kécfeye redjårber si prononçaedje avou l' oyance do lingaedje do payis.

Dilé les nos d' måkes, gn a eto des ôtes sôres di nos prôpes ki plèt divni des cmons nos.

Sacwants sigues, foirt eployîs, polnut eto divni des cmons nos.

Egzimpes di måkes di fabrike divnowes des cmons nos e walon

• aspirene
• bik (pene a buzete et a tchike)
• brabant (tcherowe)
• dånone
• fal (fuzik mitrayete).
• Lego
• nestorete (pitite sitouve å gaz).
• pampiesse (faxhe k' on fote evoye).
• sårma (grand botike).
• seracuze (îpe ås rsôrts).
• aiwe-di-Spå-ki-spite; spå-orandje.
• sulniche (brike di savon).
• tårmak (daguet k' on mete so les voyes)
• tetra (drap po refaxhî)
• wek (bocå a sterilijhî).

Egzimpes di des ôtes nos prôpes divnous des cmons nos e walon.

Prins tot seus

• sipoutnik
• sipirou
• rampono
• Inami
• kaizerlik
• ravachole

Tot wårdant li cmon no avou

• tchén bessi.
• tchimijhe Lacosse.

Lingue-ehåyaedje et nos prôpes divnou cmons nos

Kimint ricnoxhe ki ça a divnou on cmon no ?

• On l' trouve dins des motîs fwait sorlon les mwaissès rîles del diyalectolodjeye: wek (dins l' motî d' Bastogne), rampono (dins mwints motîs),
• On l' trouve dins les studias di diyalectolodjisses:nestorete (dins on studia da Guy Belleflamme.
• Les djins ki l' eployèt ni savèt nén ki c' est on no d' måke. seracuze, rampono.
• Gn a des ôtès måkes do minme produt, mins ki s' lomèt på minme comon no.
• Li mot a fwait des parints: seracuzer; ramponer, tårmaker, ritårmaker.
• Li mot a stindou s' sinse: rampono.
• On rtrouve li mot dins des scrijhaedjes, u des spitch e walon: sulniche, sårma.

Egzimpes dins des ôtes lingaedjes

Francès

• Klaxon: no d' måke do prumî coirneu d' oto; a dné on mot-parint: Klaxonner.
• poubelle: no d' on prefet d' Paris k' a fwait mete des batch-ås-mannestés avå l' veye.

Inglès

• spa, calké do no del veye di Spå; (riloukîz les noveas sinses e walon)

Arabe marokin

• tid po ene bouwêye e poure; Po les ôtes måkes on dit: do tid "OMO".
• kina (kinene), po dire tolminme ké catchet.
• danon po tolminme kéne marke di yogour

Italyin

• pulmann po dire ôtobuss. Po les ôtes måkes eto: tåvlea des pulmann.

Hårdêye difoûtrinne

Sacwants cmons nos vinant d' marke di fabrike (dedja studyîs sol Wiccionaire)