Noëlla Martin

Noëlla Martin, c' esteut ene sicrijheuse e walon ki dmoréve a Montniye-Tiyoû.

Elle aveut skepyî a Carvin (el France) li 1î d' djanvî 1925. Elle a morou li 10 di may 2014.

Ouve e walon

Elle eplaidive ses tecses dins l' Bourdon (des arimés, pacô des ptitès prôzes).

Egzimpe di boket

L' oraedje

Asteure, colåd, vos m' ploz schoûter

Al fén, no conte, nos l' dalans fé;

N' pinsez nén djouwer å pus fén (/fe/);

Dji so bén dastok po pårler.

Dispu l' matén, vos fjhoz d' triviè;

Vos avoz rovyî d' tcherdjî l' feu (/fə/);

Vos djhoz des contes di må-elvé; (/alvɛ/)

Vos n' avoz nén passé l' cafè. (/kafə/)

Astok del baye do vî corti,

Gn a on moncea d' bos ki ratind.

Po l' fé setchi dins no forni,

El fåt rintrer, djhoz! il est tins

Gn a les gurzalîs a taeyî;

Fåt rlever les coxhes do sapén;

Et fåtchî les yebes do paxhi

Rnetyî les gayoles ås lapéns.

- Taijhoz vos don, m' pitite cheriye

Dji so presse a m' fé pardoner

Vos avoz l' air si disbåtcheye (/disboːʧiːj/)

C' est prometou ! Dimwin, dj' candjrè. (/kãʤʀe/)

Alez! dji m' vos va tchårloter;

Stierdoz vos iys, et fjhoz vos bele!

So m' cour, vinoz vos rconsoler...

La on gros betch so vos mashales. (/maʃɛl/)