Nicolas-Joseph Grisar

Nicolas-Joseph Grisar[1], c' est on scrijheu e walon, onk des prumîs pol payis d' Nameur.

Di s' mestî, il esteut curé.

OuveModifier

Il a scrît des hagnantès tchansons, bråmint disconte li redjime otrichyin pu francès.

I n' sinéve nén ses tchansons. C' est l' istoryin Adolphe Borgnet (di s' no d' pene Jérôme Pimpurniaux) k' acertina ki ces ouves la estént bén d' lu.[2]

Cwate di ses tchansonsModifier

I nd a dandjreûs scrît dpus mins po ces-lales, on-z a l’ idêye ki c’ est bén da lu.

Les deus tchansons ont stî adjinçnêyes conte l’ Intindance (Djôzef II aveut pårti les Bas Payis otrichyins a nouv cekes po ls administrer.

 


VicåreyeModifier

On n' sait nén cwand ni wice k' il a vnou å monde.

Di 1777 à 1779, il esteut professeur dins l' classe di powezeye e Rweyå Coledje di Nameur (l’ Atenêye d’ asteure). Mins i s’ disrindja.

Ça fwait k' on l’ evoya a Hal po l’ pûni.

Rivnou a Nameur, come i rtome dins ses mwaijhès abitudes, i doet dimissioner e 1782.

Lomé curé e l’ pårotche Sint-Nicolai (li pus pôve di Nameur), il î fwait bén s’ bouye, shonne-t-i, di 1785 à 1795. C' est a ç' scrît ses tchansons à ç’ momint la, pinse-t-on.

Adon-pwis, il è va è Roman Payis (k’ esteut diyoceze di Nameur), et-z î rinde l’ åme e 1796 a Lane-Tchapele-Sint-Lambiet.

Noste ome esteut boigne.

Corwaitaedje di si persounåltéModifier

Vola on curé k’ a studyî les letes classikes et ki s’ mete so l’ trexhe di scrire e walon. Douvint ? A-t i vlou scrire come ses pårotchîs cåzént ?

Tantea k’ non seulmint i scrît e walon, mins i scrît on plat walon, crås et grossî.[3]

Sourdants & pî-notesModifier

  1. Pacô scrît avou on d (Grisard), metans divins l' Motî biyobibiografike des scrijheus e walon, p. 186
  2. M. Piron, Antolodjeye, p. 73.
  3. Bernard Louis, Li Rantoele 48, ivier 2008-2009, p. 14.