Moxhe (viyaedje)

Moxhe (/mɔç/ /mɔh/ ^{aschoûtez lu} u /mɔʃ/; e sistinme Feller, Mohe u Moche; fr: Moxhe), c' est èn ancyin ptit ban del Walonreye, rebané avou Hanu el province di Lidje.

Plake a l' intrêye do viyaedje

Essegne d' èn otel di Moxhe avou l' no d' plaece "Moxhri"

Mwaissès dnêyes

• Limeros del posse :
  • asteure : 4280
  • davance : 4271
• Limero diyalectolodjike : W 60
• Arondixhmint : Wareme
• Lomaedje des djins did la: Moxhwès, Moxhwesse (F. Moxhois, oise)
• Nombe di dmorants : 1709: 17; 1806: 444; 1866: 570; 1976: 427; 2005: 611.
• Stindêye: 441 ectåres.

No di des plaeces di Moxhe

Hamteas

• Moxhron
• Moxhrea
• Limpreur
• Li coron d' Moxhe (Moch)

Ôtès plaeces

Plake "rowe del goidje"

• rowe del goidje (F. rue del Gotch)
• Moxhri (Mohery)

Djeyografeye

Crowe plaece a Moxhe, dizo l' viyaedje; did la l' etimolodjeye ki vout dire "frexhe plaece"

Moxhe est metou 9 kilometes di Wareme ey a 13 km et dmey di Hu.

Metou a costé d' on fond, todi a frexhisses cwand i ploût, pask' i c' est del foite tere ki n' si spoujhe waire. Did la si etimolodjeye: li tîxhon Mosca (crouweur).

Istwere

Moxhe, et ses hamteas Moxhron eyet Limpreu, estént metous sol pavêye rominne Bavai-Cologne. Gn aveut, ecramieyes dins l' ban, des teres do Prince di Lidje, do Duk di Braibant eyet do Conte di Nameur.

Metans, l’ eglijhe do viyaedje, lomêye d’ après l’ Sint Gangoûfe, esteut avou Lidje, toltins kel måjhone do curé esteut sol tere namurwesse. Cwand les Francès ont-st evayi l' Walonreye (1795), il ont rmetou eshonne les bokets do viyaedje.

El 12 d’ awousse 1914, cwand les Almands ont-st abroké el guere di 14, on-z a fwait wachî bråmint do sonk a Moxhe (gn a yeu bråmint des moirts).