Mexhnaedje

Li mexhnaedje, c' esteut l' ramassaedje di påtes leyeyes på fåtcheus et rascodeus après l' awousse.

Mechnaedje e 1957, e l' Almagne di l' Ess

Cist uzaedje esteut bén reglé dins tchaeke viyaedje.

Istwere

Les pus pôvès djins d' on viyaedje avént l' droet di mexhner cwand l' tchamp esteut tot fåtchî.

Cwand les djåbes estént co sol tchamp, li tchampete vineut awaitî les mexhneus.

Cwand il esteut po ploure des walêyes d' oraedje et les djåbes dressêyes a croupetes, on pleut råyî les påtes ki briként foû del djåbe (elle årént stî schoyowes pal plouve, et pierdowes).

On a co stî mexhner do tins del guere di 14 et minme di 40. Après, ça a stî fini.

Avou les machines a fåtchî, gn a pus bråmint d' påtes ki toumèt sol tchamp, apus ki l' dinrêye soeye flaxheye.

Alére

Michèle Verschaffelt, Mexhnaedje, Nosse Lingaedje, l° 107 (octôbe 2017, p. 1.)