Maurice Tillieux, c' est on dessineu d' bindes d' imådjes k' a vnou å monde e 1921, li 7 d' awousse, a Hu et mori dsu ene voye del France li 31 di djanvî 1978.

Dins "César", Tillieux sititchive atenawete ses camaerådes, come José Schoovaerts, Franquin et Morris

Dedja e 1938 i boute po Spirou, k' il î conoxheut Djan Doisy si tchîf-redacteu. I dessine des imådjes po "Le Fureteur" et des ptits advinias.

Il åreut volou fé marén mins l' guere 1940-1945 l' end a espaitchî.

E 1944, li studio da Guy Depière lyi drouve ses poites et les pådjes da BIMBO et JEEP, deus ptitès gazetes po les efants.

Cwand Fernand Cheneval lance Héroic-Album, i l' î va rdjonde et, après sacwants sayes ki rishonnut foirt a do Hergé, i dene li djoû à Felix ki s' va candjî, e 1956 et po Spirou, e Gil Jourdan.

Après 1960, i s' va continter di scrire des istweres po ene pougneye d' ôtes di ses camaerådes dessineus.

Difoûtrinne hårdêye candjî

Si vos avoz tot d' shûte håsse d' ene pus lådje idêye di çk' il a fwait, vos poloz vey cåzu tos ses tites amon http://www.chez.com/twinants/pages/index2.htm