Ma liberté (tchanson e francès)

Ma liberté, c' est ene tchanson e francès sicrîte, compôzêye et tchantêye pa Djôr Moustaki.

Elle a vudî diviè 1970.

Tinme candjî

C' est l' houcaedje d' on djonne ome pa ene veye sins laxhe, tot shuvant "les zines et les makets" d' on persounaedje k' est dins lu-minme et k' i lome si liberté.

Mins al fén des féns, i l' abandnêye po s' elaxhî a ene mayon.

Ratournaedje e walon candjî

Elle a stî redjårbêye e walon li djoû del moirt da Moustaki pa Lucyin Mahin.

Il eploye li prezintoe "nosse", come on l' fijheut classicmint e walon po ene djin (ou ene biesse) respectêye mins ki fwait pårteye di vosse måjhonêye. I vovweye li persounaedje.

Gn a sovint des vraiyès rimes e rfondou walon, mins alfeye seulmint des axhiltances (tchén / solés; djonde / crapåde)

Nosse liberté

I.
Nosse liberté,
dji n' vos åreu nén dné
nén co po on blanc tchvå;
Nosse liberté,
c' est vos k' m' a aspalé
po endaler låvå;
Låvå so les pî-sintes
låvå sins dveur ratinde
les cwinzinnes ås gros cwårs.
Nos loukéns dins l' beaté
Bazin ki vout poirter
si faxhene timpe et tård.

II.
Nosse liberté,
divant totes vos voltés,
dj' schoûtéve come on ptit tchén.
Nosse liberté,
dji vs aveu tot prusté:
mes tchåsses et mes solés.
Ça m' a pacô stî lon
di diveur shuve podbon
vos zines et vos makets.
Dj' a dvou baguer å lon,
dj' a pierdou mes soçons
po siner vosse paket.

III.
Nosse liberté,
c' est vos k' a dbrôlé
totes mes ptitès cdujhances
Nosse liberté,
c' est vos k' m' a fwait inmer
disk' al noere disseulance.
C' est vos k' m' a-st aswadji
cwand tot fourit fini
di m' prumire asblawete.
C' est vos k' m' a waeranti
cwand dj' m' aléve ascwati
po muchî mes poketes.

IV.
Nosse liberté,
portant dji vs a cwité
ene shijhe do moes d' decimbe
cwand dj' a dzarté
les voyes did sol costé
ki ns ascoxhéns pus timpe,
adon k' sins dmefiyance,
come do tins di mi efance
dji m' leya co on côp djonde
Dji vs abandna podbon
po moussî el prijhon
tinowe d' ene bele crapåde.[1]

Hårdêyes difoûtrinnes candjî

Sourdants candjî

  1. Ratournaedje Lucyin Mahin, 23 d' may 2013