Lwè Vandervelde
Li Lwè Vandervelde, c' est ene lwè sol vindaedje del gote el Beldjike, k' a stî metowe e-n aplicåcion l' 28 di setimbe 1919; elle est insi lomêye d' après l' pårlumintî Émile Vandervelde.
Li lwè a stî d' aplicåcion diski diviè 1972.
Contnou
candjîLes vindeus d' peket ni plént vinde ki deus lites d' on plin côp. I dvént fé on passe-avant ås atchteus, po s' i rescontrént les acsizyins.
C' esteut a cåze ki les ptits ovrîs furlént leu paye tot-z atchtant del gote. Il estént adon payîs tos les djoûs. Si n' avént i nén des çanses assez po-z atchter deus lites. L' idêye di s' ocuper do bouneur des ptitès djins aveut sourdou après les disduts di 1886.
Aplicåcion
candjîCome totes les lwès, elle a stî distournêye. Les botikîs metént on lite di costé, a payî pus tård, mins i dnént on passe-avant po deus lites. Mins nerén, les vindeus d' gote divént todi aveur leus papîs d' accion (vindaedje di deus lites a côp, et stok shuvant) po cwand les acsizyins vnént.