Lucie Castets
Lucie Castets, k' a vnou å monde a Caen[1] el moes d' måss 1987, c' est ene fonccionaire ey ene professeure d' economeye francesse. Elle n' esteut nén foirt kinoxhowe do publik djusk' å 23 di djulete 2024, cwand l' aloyance des socialisses, des ecolodjisses, des comunisses et del France Nén-doumiesse (on pårti d' foite gåtche) l' a relî come prumire minisse ey a dmandé a Emmanuel Macron del loumer a ç' posse la.
Come d' efet, c' est çte aloyance la — k' on loume li Front peuprece — k' a wangnî l' vôtaedje di djun et d' djulete 2024 e France (el Walonreye di France eto, d' abôrd). Mins pol moumint, Macron n' end a nén vlou etinde cåzer : « Li sudjet n' est nén la » et « nolu n' a wangnî » l' vôtaedje, a-t i respondou[2]. Ça fwait k' les margayes politikes ont tot d' shûte ricmincî.
Sourdants
candjî- ↑ « Haute fonctionnaire, engagée pour la défense des services publics… Qui est Lucie Castets, proposée par le NFP pour Matignon ? », dins l' gazete Nouvel Obs, li 23 d' djulete 2024.
- ↑ Mathieu Dejean eyet Pauline Graulle, « Le NFP propose Lucie Castets pour Matignon, Macron ne veut pas en entendre parler », dins l' gazete Mediapart, li 23 d' djulete 2024.
