Louis-Joseph Courtois

sicrijheu e walon
(Redjiblé di Louis Courtois)

Louis-Joseph Courtois, c' esteut on scrijheu e walon do Roman Payis.

Li Wiccionaire si rsieve di sacwants fråzes da "Louis-Joseph Courtois" po-z enimådjî des mots k' i gn a.

Il skepia li 23 d' may 1854 a Perwé, et mori li 15 di fevrî 1915 a Sint-Djri.

Di s' mestî, il esteut curé (a Sint-Djri, di 1887 a 1915).

Riprins dins les antolodjeyes «Nos campagnes» eyet «Vey voltî»

Ouves e walon candjî

I scrijha di 1896 a 1914 dipus d' 115 arimés di diferinnès cognes. Inte di zeles, des ratournaedjes di scrijheus greks et laténs (Virgile, Horace, Phèdre).

I fourit eplaidî dins l' Marmite, li Coirneu, li Ban-cloke, et pår divins les B.S.L.L.W..

Tot raspepiant ses ouves, Isidore Dory eyet Jean Haust ont-st eplaidî on motlî d' Perwez sorlon Courtois.[1], rahoukî come limero [C3] dins l' djivêye des motîs do walon.

Ses ouves ont stî aprume eplaideyes pa Paul Coppe e-n on livret lomé L'abbé Louis Courtois, poète et artiste du roman pays de Brabant.[2]

Ene ôte plakete a stî editêye pås Cayés walons.[3]

Sourdants candjî

  1. [C3] Dory, Isidore, Haust, Jean, Vocabulaire du dialecte de Perwez, in: BSLW, T 45, 1904, pp. 323-335
  2. Live Coppe p. 82-83.
  3. l° 4/1972.