Linwe

Pol discramiaedje des årtikes avou l' mot « Linwe », loukîz cial.

Li linwe, c' est èn organe do coir, li ci ki rinplit tote li boke (li gueuye des biesses). Ele sieve a magnî et a cåzer (po les djins).

Antomeye

• soûmint del linwe: li tîce dirîtrin, atelé å gozî et å plantchî del boke.
• coron del linwe: pårteye ki pout bodjî di tos les costé, et rexhe del boke.
• filé del linwe: pitite mimbrane, metowe å mitan, ki rtént l' coron å soûmint del linwe.
• papiles linwreces: pititès crexhinces ki rascovrèt li dzeu del linwe.

Istolodjeye

texhous del linwe

Li linwe est fwaite di musses, sins oxheas.

Elle est rascoviete d' ene frexhe pea, avou des ptits stitchas, les papiles linwreces. C' est la k' gn a des rcujhoes po l' sinse do sawoura.

Mouvmints del linwe

Mouvmints fiziolodjikes

Les mouvmints del linwe sont prumioûles dins l' mawiaedje di l' amindjî.

Dins les magneus d' yebe, li linwe overe eto dins l' apiçaedje di l' amagnî.

Li linwe ki pind a on tchén ki linwtêye (et haner) djowe on role dins l' rexhaedje del tcholeur do coir (termo-erîlaedje).

Mouvmints a pårt

Sacwants djins polèt erôler les boirds del linwe eviè l' mitan, mins ci mouvmint la est moenné djeneticmint (donlant djinne simpe).

Sacwants djins plèt minme riployî li dbout del linwe e-n erî.

Li mostraedje del linwe a on sinse sociå: on mostere k' on s' fote del djin k' on lyi mostere, et k' on nel schoûtrè nén.

Maladeyes del linwe

Linwe tcherdjeye

Djeneråltés

• linwite (glossite)
• linwe tcherdjeye
• coixheure del linwe
• bocrês sol linwe; afes

Årtisyince

• Maladeye del bleuwe linwe