Li grande cizete (teyåte)

Li grande cizete, c' est ene pîce di teyåte e walon e-n èn ake, sicrîte pa Jean-Denys Boussart ey eplaideye e 1971.

Elle a rascodou l' pris do Cavo lidjwès.

Tinme

C' est li spoûle d' on codåné a moirt ki va passer al grande cizete côpe-tiesse.

Idêyes do scrijheu

Sacwants cåzaedjes des persounaedjes avizèt esse des idêyes do scrijheu:

I n a deus mondes, valet. Li prumî, c' est l' ci des aveules ki s' plaijhèt bén e leu nute. Des marionetes ki n' tuzèt måy ås «po kî?» et ki shuvèt leu vicåreye come èn etermint. C' est nosse monde.

L' ôte, c' est l' monde des sûtis. I tnèt les fis d' årca. I nos fjhèt dire et fé çou k' i volèt. C' est todi po nosse bén: li guere, li påye; touwer, esse touwé oubén mori e s' lét on djoû come èn ôte, sins aveur rén candjî divins l' meyeu des mondes. Awè! ni rén candjî, sortot! Po k' zels dimanexhe lontins avou l' cou e boure, et ki l' societé rote bén droet tot letchant ses plåyes. (p. 6)