Lete J

Li lete J (prononceye ji), c' est l' dijhinme lete eyet l' 7inme cossoune di l' alfabet latén.

Grands et ptits J (letes d' imprimreye)

Grand et ptit J (scrijhaedje al mwin)

Ele ni sieve nén come téle e rfondou walon, mins intere dins l' betchfessî JH, et dins l' dobe lete DJ.

Siervaedje ezès scrijhas did dvant Feller

Ezès scrijhas di dvant Feller, li lete J riprinzintéve li son DJ.

Siervaedje e sistinme Feller

E sistinme Feller, li lete J riprezinte li son J (/ʒ/). C' est l' seule lete eployeye po ç' son la.

Ele sieve insi po les mots ki respondèt å betchfessî JH e walon do Mitan, walon do Coûtchant et Basse Årdene. Elle î est prononceye «J» (/ʒ/) å mitan des mots (aujî) = åjhey). Mins elle î est prononceye «CH» (/ʃ/) al fén des mots (binauje = binåjhe).

Elle intere, avou, dins l' dobe lete DJ, come e rfondou.

Mins elle si rtrouve eto dins tote ene håvurnêye di mots calkés do francès,k' ont stî riscrîts avou DJ e rfondou: (jate = djate; jandârme = djindåre…).

Siervaedje e neyerlandès

Elle î rprezinte li son jod, come dins l' alfabet fonetike eternåcionå.

ja (oyi), jongen (valet, gamén)

Siervaedje e-n inglès

Elle î rind li son DJ /ʤ/.

to jump (potchî), a joke (ene fåve, ene couyonåde).